လက်

ကျွန်တော့်နာမည်က မောင်စနေပါ ကျွန်တော့်ကိုမွေးတာက ၁၉၈၅ ခုနှစ် စက်တင်ဘာ ၂၁ ရက် စနေနေ့..။ မွေးချင်းနှစ်ယောက်ရှိတဲ့အနက် အငယ်ဆုံးသားပါ။ကျွန်တော်ဟာ ငယ်စဉ်က အလွန်စကားနည်းပြီး အရမ်းအေးဆေးတဲ့ ကလေးတစ်ယောက်ဖြစ်ခဲ့ပါတယ် တခြားကလေးတွေနဲ့ ဆော့ကစားတာမျိုးလဲမရှိပဲ တစ်ယောက်တည်းပဲကစားပါတယ် အငယ်ဆုံးဖြစ်တဲ့အားလျော်စွာ အရမ်းအားငယ်တတ် အရမ်းဝမ်းနည်းတတ်ပါတယ် တစ်ခုခုဆိုအရမ်းလည်းကြောက်တတ်ပါတယ် အမေ့နားကိုအမြဲကပ်ပြီး အမေ့ကိုကပ်ချွဲနေတတ်တဲ့ အမေကိုအရမ်းချစ်တဲ့ ကလေးလေးပေါ့၊ အဖေဟာ သူ့အလုပ်တာဝန်တွေနဲ့ နယ်တွေကို လအတော်ကြာကြာသွားလေ့ရှိတာကြောင့် ကျွန်တော်တို့မောင်နှမဟာအမေ့ရင်ငွေ့နဲ့ကြီးပြင်းလာခဲ့တာလို့ပြောလို့ ရပါတယ်၊ ကျွန်တော်တို့မောင်နှမနှစ်ယောက်မှာ အဖေက ကျွန်တော့်အစ်မကိုပိုချစ်ပြီး ကျွန်တော်ကတော့ အမေ့အသည်းစွဲပါ။

ကျွန်တ်ာဟာအရမ်းပျော့ညံ့တဲ့ကောင်လေးတစ်ယောက်ဖြစ်ခဲ့တယ်လို့ပြောခဲ့ဖူးသလိုပါပဲ တစ်ခုခုအဆင်မပြေယင် တစ်ခုခုဝမ်းနည်းစရာတွေ့ယင် အမေ့အနားကိုပြေးကပ်တာပါပဲ အမေကျွန်တော်လက်ကိုတွဲထားမှ အမေ့ရင်ခွင်ထဲမှာနေရမှ လုံခြုံတယ်လို့ခံစားရပါတယ်၊ အမေကိုအရမ်းချစ်တဲ့သားဆိုတော့ အမေ့မျက်နှာကို အရိပ်ခြေအမြဲကြည့်နေတတ်ပါတယ် အမေပျော်ယင် ကျွန်တော်ပျော်တယ် အမေဝမ်းနည်းယင်ကျွန်တော်ဝမ်းနည်းတယ် အမေငိုယင်ကျွန်တော်လဲငိုချင်တယ် အမေမျက်နှာမကောင်းယင် ကျွန်တော်ဘယ်လိုမှနေလို့မရပါဘူး ငယ်ငယ်တုန်းက အမေကျွန်တော့်ထက်အရင်သေသွားယင်ဆိုပြီးစဉ်းစားမိယင်းအိပ်ယာထဲမှာကြိတ်ငိုခဲ့ဖူးပါတယ်

အမေဟာကျောင်းဆရာမတစ်ယောက်ဖြစ်တာနဲ့အညီ အိမ်မှာကျွန်တော်ကိုစာပြပေးပါတယ် လက်ရေးမလှယင် စာမေးလို့မရယင် ဆူတတ် ရိုက်တတ်ပါတယ် ဒါပေမယ့် ကျွန်တော်ဆယ်တန်းအောင်တဲ့နှစ်ကစပြီး စာကိစ္စနဲ့ပတ်သတ်ပြီး ဆူခြင်းပူခြင်းလုံးဝမရှိတော့ပါဘူး အမေဟာ ကျွန်တော့်အပေါ်အတော်ယုံကြည်မှုရှိပါတယ် ကျွန်တော်ဘယ်သွားလဲ ဘာလုပ်လဲ စာကျက်ရဲ့လား ဘာတစ်ခုမှမမေးပါဘူး အဲဒီအတွက်လဲ အမေ့ကိုအရမ်းကျေးဇူးတင်မိပါတယ် ကျွန်တော့်ဘဝမှာကျွန်တော်မြတ်နိုးတဲ့အရာတွေကိုစွန့်လွတ်လိုက်ရတာများပါတယ် ကျွန်တော်ငယ်ငယ်က အက်ဒီဆင်လို တီထွင်သူတစ်ယောက်ဖြစ်ချင်ခဲ့တာပါ အိမ်မှာရှိတဲ့နာရီတွေဆို ကျွန်တော်ကလိတာနဲ့ပျက်ကုန်တာပါပဲ နောက်တစ်ခုက ဂီတကိုအရမ်းဝါသနာကြီးပါတယ် အဆိုတော်ရူးလဲ အတော်ကြီးရူးခဲ့ဖူးပါတယ်

ဆယ်တန်းအောင်တော့ အင်ဂျင်နီယာကျောင်းမတက်ပဲ အဖေနဲ့အမေရဲ့ ဆန္ဒအရ ဆေးကျောင်းတက်ခဲ့ပါတယ် (ဆေးကျောင်းတက်ရမှာစိုးလို့ ဆယ်တန်းစာမေးပွဲမှာ ကောင်းကောင်းမဖြေပဲ ဟိုခြစ်ဒီခြစ်လုပ်ခဲ့တာက top secret နော်.. :))ဝါသနာမပါတဲ့ကျောင်းကိုတက်ရတာမို့ ကျွန်တော်လုံးဝမပျော်ပါဘူး စာလည်းကောင်းကောင်းမလုပ်ပါဘူး စာမေးပွဲအောင်ရုံပဲလုပ်ပါတယ် ကိုယ်စိတ်မဝင်စားတဲ့တာတွေကျက်ရတာ အရမ်းပဲစိတ်ညစ်ပါတယ် စိတ်ဖိစီးမှုလဲအရမ်းများပါတယ် ငယ်ငယ်ကတည်းက အမေဟာကျွန်တော်စာကျက်ယင် မအိပ်ပဲစောင့်ပေးလေ့ရှိပါတယ် ဆေးကျောင်းတက်တဲ့ တစ်လျှောက်လုံးလဲ အဲလိုပါပဲ ကျွန်တော်စာကျက်လို့မရတဲ့အခါ စိတ်ရောကိုယ်ရောအရမ်းပင်ပန်းတဲ့အခါ အမေက“သားလေး..တရေးလောက်အိပ်လိုက်..အိပ်ရေးဝအောင်အိပ်လိုက်..သားပြန်ထချင်တဲ့အချိန်အမေနှိုးပေးမယ်...စိတ်မပူနဲ့..”ဆိုပြီးပြောတတ်ပါတယ် အမေနားမှာတရေးလောက် အိပ်လိုက်ရယင် (ငါးမိနစ် ဆယ်မိနစ်ဖြစ်ဦး) ကျွန်တော့်မှာ ခွန်အားတွေအများကြီးတိုးလာပါတယ် (ဝါသနာမပါပဲ ဆေးကျောင်းတက်ခဲ့ရပေမယ့် ဆရာဝန်ဖြစ်လာလို့ လူနာတွေကို ဆေးကုသပေးရတဲ့အခါ အထူးသဖြင့် နာဂစ်မုန်တိုင်းအပြီး စေတနာ့ဝန်ထမ်းအဖြစ်ဆေးတွေလိုက်ကုတဲ့အခါမှာတော့ ဒီလိုမွန်မြတ်တဲ့ အလုပ်မျိုး ဒီလိုအခွင့်အရေးမျိုးရအောင်ပျိုးထောင်ပေးခဲ့တဲ့ အဖေနဲ့အမေကိုအရမ်းကျေးဇူတင် အရမ်းလဲချစ်သွားပါတယ်)

ဒီလိုနဲ့ ဆေးကျောင်းပြီးတော့ ရန်ကုန်ဆေးရုံကြီးက ဆေးကုသဆောင် ၁၁-၁၂ ဆရာကြီးဒေါက်တာဦးညွန့်သိန်းရဲ့လက်အောက်မှာ အလုပ်သင်ဆရာဝန်အဖြစ် တာဝန်ထမ်းဆောင်ရပါတယ် တစ်ည ကျွန်တော် Night Duty ဆင်းနေတုန်းအိမ်ကဖုန်းလာပါတယ် အကြောင်းကတော့ ကျွန်တော့်အဘိုးဆုံးတာပါ အမေဟာသူ့အဖေကိုအရမ်းချစ်ပါတယ် မောင်နှမတွေထဲမှာ အကြီးဆုံးသမီးဖြစ်ပြီး မိဘနဲ့ ဆိုးအတူကောင်းအတူဖြတ်သန်းလာခဲ့ရတဲ့အတွက်လဲ မိဘကိုအလွန်တွယ်တာပုံရပါတယ် (ကျွန်တော့်အဘွားဟာ ဟိုင်းကြီးကျွန်းမှာ ရေလုပ်ငန်းလုပ်ပြီးအိမ်ဆိုင်လေးလဲဖွင့်ပါတယ် အဘိုးကတော့ တော်လှန်ရေးစစ်သားဟောင်းကြီး(မော်ကွန်းဝင်တတိယအဆင့်)ပါ စီးပွားရေးကိုလုံးဝနားမလည်ပါဘူး အဘိုးရဲ့ချစ်စရာကောင်းပြီးကျွန်တော်အတုယူရတဲ့ အကျင့်ကတော့ အဆင့်အတန်းခွဲခြားခြင်းကို အလွန်မုန်းတီးပြီး ပိုက်ဆံလဲမမက်ပါဘူး လောဘလဲအင်မတန်နဲပါတယ်)အဘိုးဆုံးတဲ့ညက ကျွန်တော် Duty မဖျက်ခဲ့ပါဘူး။

အဘိုးကိုအသုဘချတော့ အမေ့ဘေးမှာကျွန်တော်တချိန်လုံးရှိနေခဲ့ပါတယ် အမေရဲ့လက်ကိုတွဲ အမေ့မျက်ရည်သုတ်ပေးပြီးနှစ်သိမ့်ပေးနေခဲ့ပါတယ် စစ်သားဟောင်းကြီးတစ်ယောက်ရဲ့ ဈာပနအခမ်းအနားဟာသိပ်ပြီးမခမ်းနားလှပေမယ့် အဓိပ္ပာယ်အပြည့်ရှိနေခဲ့ပါတယ် တော်လှန်ရေးတစ်လျှောက်(အင်္ဂလိပ်ခေတ် ဂျပန်ခေတ်)အဘိုးနဲ့အတူလက်တွဲပြီးတိုက်ပွဲဝင်ခဲ့တဲ့ ရဲဘော်ရဲဘက် အသက်ရှစ်ဆယ်အရွယ် အဘိုးတွေဟာ သူတို့ ရဲဘော်ရဲ့ အလောင်းကို မျက်ရည်တွေကြားက အလေးပြုခဲ့ကြပါတယ်
အဘိုးရဲ့ဈာပနမှာအမေအရမ်းဝမ်းနည်းနေပါတယ် ဒါပေမယ့် အမေဟာတုန်တုန်ချိချိနဲ့ရောက်လာတဲ့ အဘွားရဲ့ရှေ့မှာစိတ်လွတ်ကိုယ်လွတ်မငိုနိုင်ရှာပါဘူး ကျွန်တော့်လက်ကိုတွဲပြီး အမေဟာသူ့စိတ်ကိုသူထိန်းနိုင်ခဲ့ပါတယ်

ဒီအချိန်မှာပဲ ကျွန်တော့်ခေါင်းထဲကို အတွေးတစ်ခုဝင်လာခဲ့ပါတယ် တစ်ချိန်က အဘိုးဟာ အမေ့လက်ကိုတွဲခဲ့ဖူးမယ် အမေလျှောက်တဲ့လမ်းတွေမှာမလဲကျအောင်ထိန်းမတ်ပေးခဲ့မယ် အမေဝမ်းနည်းတဲ့အခါ စိတ်ဓာတ်ခိုင်မာရဲရင့်လှတဲ့အဘိုးရဲ့လက်ကိုတွဲ အဘိုးရဲ့စိတ်မျိုးမွေးပြီး အားမွေးခဲ့လ်ိမ့်မယ် ကျွန်တော်ငယ်ငယ်လမ်းလျှောက်တတ်ခါစကချော်လဲမှာစိုးလို့ အဘိုးရဲ့လက် အမေ့ရဲ့လက်ကိုတင်းတင်းဆုပ်ကိုင်ထားခဲ့ဖူးတယ်

ကျွန်တော့်ဘဝမှာအကြိမ်ကြိမ်လဲကျခဲ့ဖူးတယ် လဲကျတိုင်းလဲ အမေ့လက်ကိုတွဲ လမ်းတွေပေါ်က ရုန်းထနိုင်ခဲ့တယ် ကျွန်တော်ဟာ ထူးချွန်ထက်မြတ်သူတစ်ယောက် Genius တစ်ယောက် မဟုတ်ပါဘူး ဒါပေမယ့် အမေ့လက်ကိုတွဲပြီး ကျွန်တော်ဟာ အရှုံးမပေးသူ ဒူးမထောက်သူတစ်ယောက်ဖြစ်လာခဲ့ပါတယ် ကျွန်တော်ကျရှုံးနေချိန် အားနည်းနေချိန်မျိုးမှာ အမေ့ရဲ့နွေးထွေးတဲ့လက်အစုံဟာ ကျွန်တော်အတွက်ခွန်အားသစ်တွေမွေးဖွားလာစေပါတယ် အမေသာသူ့လက်တွေနဲ့တွဲမခေါ်ခဲ့ယင် ကျွန်တော်ဟာဒီအချိန်ထိ လူ့ဘဝရဲ့ခါးသီးတဲ့လမ်းတွေအပေါ်မှာ လျှောက်နေနိုင်မှာမဟုတ်ပါဘူး

အခုတော့ ကျွန်တော့်အလှည့် အမေ့လက်ကိုကျွန်တော်တွဲထားတယ်

အမေ..အမေလဲမကျအောင်ကျွန်တော်တွဲသွားမယ် တစ်သက်လုံး....

ရဲရဲကြီးယုံကြည်လိုက်ပါ အမေ....အမေ့နားမှာကျွန်တော်အမြဲရှိနေမယ်

အမေ..ကျွန်တော်ဟာ အမေ့အတွက် ခွန်အားဖြစ်စေရမယ်...

ကျွန်တော့်လက်ကို ရဲရဲကြီးဆုပ်ကိုင်ထားလိုက်ပါ အမေရယ်.....။

(အမေနဲ့အဘိုးကို ကျွန်တော်ဒီနေရာကနေကန်တော့လိုက်ပါတယ်..။)