“ဘဝ”လို့သုံးလိုက်တော့
ရေးချင်တဲ့ကဗျာတောင်
အလျားအနံတွေကြီးသွားသလိုလို
ဟိုလိုလို ဒီလိုလိုနဲ့
အဲဒီဘဝရဲ့နေစွဲတစ်ချို့မှာ
အနက်ရှိုင်းဆုံးအတွေးတွေ
တိမ်လိုပဲလွင့်မျော
တစ်ခါတစ်ခါတော့
နှလုံးသားကိုတိုးတိုက်ကြရဲ့
ခံစားချက်ကိုနေ့စဉ်စားသုံး
သံစဉ်တွေကြားမှာနစ်မြုပ်ယင်း
အိပ်မက်ပန်းချီကားတွေကို
သွေးရူးသွေးတန်းစုတ်ချက်တွေနဲ့ချယ်မှုန်း
ဘဝဟာစိတ်ကူးတွေကြားမှာနစ်မွန်းခဲ့ရ
အိုက်စက်စက်နေ့ရက်တွေထဲ
ရေနွေးကြမ်းတစ်ခွက်ကိုထန်းလျက်ခဲနဲ့မြည်း
ရေးလက်စစကားလုံးတွေပြန့်ကျဲ...။
No comments:
Post a Comment